Linux hittir Mac osX

Novell kynntu um daginn nýjustu útgáfuna af NLD sem byggir á SuSE Linux. Þetta er svosem ekki frásögum færandi fyrir utan óvænt Notenda viðmót sem byggir á OpenGL.
Með nýja viðmótinu er hægt að framkvæma allskonar effecta, t.d. hafa glugga hálf gegnsæja og Exposé effectinn sem við könnumst við úr osX.

Ég mæli með því að þið kíkið á video-in sem er að finna á þessari síðu til að sjá NLD í fullu fjöri:
http://www.hardmac.com/news/2006-02-10/#5115

Einnig er að vinna vef NDL hér:
http://www.novell.com/products/desktop/

Er google bara í öllu

Ég get ekki séð annað en að google séu komnir með puttana í nánast allt þessa dagana. Líklegast eru þeir orðnir svo stórir að engin þorir lengur í þá ! Sá orðrómur er einnig á kreiki að þeir séu farnir að smíða eigið stýrikerfi "Goobuntu" sem byggir á "Ubuntu" Linux, en í ljós hefur komið að þetta stýrikerfi er eingöngu ætlað til nota innanhúss hjá Google. Svo eru þeir að smíða allskonar hugbúnað eins og google desktop, google earth, picasa og síðast en ekki síst google talk spjallforritið. Ég rann snögglega yfir picasa í dag og ég verð að segja að mér líst ansi vel á það. Þetta er umsýsluforrit fyrir stafrænar myndir ekki ósvipað Adobe Photoshop Elements eða iPhoto svo dæmi sé tekið. Ég keyri reyndar ekki windows og gat þar af leiðandi ekki prufukeyrt forritið og séð hvernig það virkar í raun en það lítur vel út og svo er það líka Ókeypis og þýtt á íslensku.



Hægt er að nálgast útgefin hugbúnað frá google hér: http://www.google.com/downloads/
Og fyrir þá sem vilja allan hugbúnaðarvöndulinn frá google geta þeir sótt Google Pack sem inniheldur Google Earth, Picasa, Google Pack Screensaver, Mozilla Firefox með google tólstiku, Google Desktop, Google Toolbar fyrir Internet Explorer, Norton Antivirus 2005 Special Edition með 1/2 árs leyfi, Adaware SE Personal og Acrobat Reader 7.

Ef þú værir þinn eigin útvarpsstjóri ....

Ef þú hefðir aðgang að vefsíðu á netinu þar sem þú gætir verið þinn eigin útvarpsstjóri hvernig myndir þú vilja að síðan væri ?

Ég hefði til dæmis áhuga að geta:

• Vistað afspilunarlistan minn og deilt honum með öðrum notendum vefsins.


• Haft möguleika á því að exporta straumnum sem shoutcast, podcast og jafnvel windows media.


• Fengið tillögur frá kerfinu hvaða tónlist ég hefði hugsanlega áhuga á að hlusta á.


• Það er í rauninni endalaust hægt að bæta við fídusum og þetta eru bara fyrstu tillögurnar sem mér dettur í hug í augnablikinu

Hér fyrir neðan er 3 vefir sem ég nota eða hef notað í eitthverju mæli í gegnum tíðina.

• pandora.com - Hér er mjög sniðugt netútvarp sem reynir að giska á tónlistarsmekk þinn út frá erfðafræði. Öll tónlist inni á þessum vef hefur verið skilgreind með ákveðna erfðaeiginleika sem gerir spilaranum kleift að ákvarða hvaða tónlist gæti hentað þér út frá skyldleikasamböndum.


• iTunes - iTunes er að mínu mati einn af betri spilurum í dag. Því miður er iTunes þjónustan ekki aðgengileg hér á Íslandi þannig að ég hef ekki reynslu af því að kaupa tónlist í gegnum iTunes.


• Shoutcast straumar - eru fínir og frekar einfaldir. Allir geta framleitt shoutcast strauma og sent út á netið með lítilli fyrirhöfn.

Þannig að nú óska ég eftir góðum ábendingum um hugbúnað sem hentar í svona pælingar. Einnig væri gaman að fá tengla á kerfi sem eru að framkvæma sambærilega hluti í dag ásamt tillögum sem myndu pluma sig vel í svona súper-onlæn-útvarpstöðvar-kerfi...

Hér má finna úttekt á Pandora og last.fm: http://www.stevekrause.org/steve_krause_blog/2006/01/pandora_and_las.html

Hugsandi

Hugsandi er mjög áhugaverð síða. Þar má m.a. finna fyrsta hluta af sagnfræðilegri umfjöllun um Coca Cola og þrælfyndna grein um framtíðarspá frá 1905. Vefir eins og Hugsandi eru þarft mótvægi við alla lágmenninguna sem básúnað er yfir okkur þessa dagana.

Svo verð ég að bæta við link á South Park þáttinn sem Tom Cruise fékk lögbann á en þar er Vísindakirkjan tekin all rækilega í gegn.

Scientomogy: South Park Trapped In the Closet Scientology

101 Heimskustu augnarblikin í viðskiptum

#4 Bollocks the yellow moons and green clovers. Get yer fat arse down and be givin' me 50 push-ups, boyo.
Amid a rising tide of child obesity, General Mills launches a campaign that touts the health benefits of not skipping breakfast -- and opting for such famously healthy foods as Cocoa Puffs and Count Chocula. The company even enlists the Lucky Charms leprechaun, who normally sells "frosted oats and colored marshmallows," as part of a new "fitness squad" to explain how breakfast builds muscles and attention spans.
Link

Birds

Pleix kunna hreinlega ekki að gera neitt rangt. Hverjum hefði annars dottið annað eins í hug?

Svo stenst ég nú ekki mátið að linka á þessa drengi hér. Rólegir á brúnkukreminu strákar!

Heimurinn er að fara til fjandans.

Óþarfa ritskoðun.

FCC eru duglegir að passa uppá að særa ekki blygðunarkennd bandaríkjamanna.

Þessi snilldar video-klippa fer út í hluti sem eru ritskoðaðir hvort sem það er þörf á því eða ekki. :)

Eitthvað sniðugt!

Ef eitthvað er að marka þessar myndir frá Kína er greinilegt að maður fer þangað eins fljótt og mögulegt er. Ekki grunaði mann að svona landslag væri til. Svo eru útlendingar að tapa sér yfir grámyglulegu hrauninu á leiðinni frá Leifsstöð! Why?

Halli besti benti okkur á 100 hluti sem við vissum ekki fyrir ári síðan. Einna best fannst mér þetta með að WD-40 leysi upp kókaín. Hvernig væri að úða því á kamrana á Rex? Þá yrði nú uppi fótur og fit hjá hnökkunum, ha?

How to do what you love er skyldulesning fyrir alla! Minni á þessa ræðu Steve Jobs í beinu framhaldi.

Svo er hérna í lokin B-Boy Junior að sýna okkur hvernig á að standa á höndum. Rosalegt! Og náunginn endaði í þriðja sæti í keppninni. Hvernig var sá sem vann eiginlega?

Tvö lögmál bloggsins.

Samkvæmt snillingnum Hugh Macleod er tvö lögmál bloggsinns þessi:

1. Það mun enginn lesa bloggið þitt nema viðkomandi græði eitthvað á því.
2. Það mun enginn linka á bloggið þitt nema viðkomandi græði eitthvað á því.

Ég held að maðurinn hafi bara nokkuð fyrir sér.

The Two Immutable Laws of Blogging.

Allt er nú til!

Já allt er nú til þó maður sé í raun löngu hættur að furða sig á hlutunum. Þessi myndarlegi klósettrúllupakki hér til hliðar er gott dæmi um þetta. Hann fann ég á síðunni The Virtual Toilet Paper Museum. Greinilegt að fegurarskyn manna er mjög ólíkt. Sem er gott því annars væri lítið gaman að vera til. Mér finnst ekkert fagurfræðilega gefandi við klósettpappír en hinsvegar held ég varla vatni yfir plakötunum sem finna má á International Poster Gallery. Verst hvað þetta er andskoti dýrt því annars hefði ég keypt mér Joseph Mueller-Brockmann plakat í stofuna.

Svo er það hvorki meira né minna en The Top 100 Annoying Things of 2005. Fyrst það er enn janúar þá held ég að það sé alveg löglegt að birta enn einn annálinn enda snilldar listi.

Annað áhugavert:

I'm only popular on the Internet.
Gif mashup.

Rauðhetta vottar og predikar Truth Happens

Ég kom sjálfum mér skemmtilega á óvart föstudaginn þrettánda er ég tók RHCE vottunarpróf Red Hat gjörsamlega með stæl og náði 96.4% af 100%. En þar sem ég er núna formlega búin að klappa sjálfum mér á öxlina fyrir góðan árangur ætla ég að snúa mér öðru tengdu máli sem er áhugaverð promotional myndbönd frá Red Hat fyrir Linux og Open Source Samfélagið. Þessi myndbönd skíra í stuttu myndmáli hvað veldur því að Linux og annar Open Source hugbúnaður er að ógna stóru hugbúnaðarrisunum eins og Microsoft og SUN Microsystems. Þessir bútar eru sirka mínúta að lengd og eru ansi flottir að mínu mati.

Fyrsta myndbandið heitir Truth Happens og tekur fyrir nokkrar gamlar fullyrðingar sem nútímatæknin hefur hrint af baki um td. minnisnotkun í tölvum (Bill Gates með 640K-in sín).

Myndband númer tvö heitir Inevitable, en það fjallar um það óumflýjanlega sem open source samfélagið hefur hrint af stað, en það er krafan um að allt eigi að vera opið og að kúnninn sé í fyrirrúmi.

Þriðja myndbandið heitir Choice og lýsir því í stuttu máli hvernig Open Source virkar og hvað það veitir okkur.

Endilega kíkið á þessa búta og komið með komment.

Nýtt ár og hugmyndabankinn stækkar.

Nýja árið er löngu hafið og tími til kominn að rífa þetta blogg upp á rassgatinu. Við erum fjórir um þetta og ættum að vera fullfærir um að uppfæra nokkuð reglulega. Sérstaklega þar sem við vinnum allri við tölvur, erum sítengdir og alltaf að detta niður á eitthvað áhugavert. Það er allavega ætlun mín að pósta hér nokkuð reglulega og reyna að rífa upp stemmninguna aðeins. Ég er búinn að vera helvíti duglegur við að sanka að mér allskonar efni og get varla beðið með að koma því á framfæri. Verð þó að hafa hemil á mér því ekki vill maður að eitthvað fari fram hjá okkar ágætu lesendum.

Byrjum á frábærum auglýsingum frá McCann Erickson. "You won't be sorry you listened to us" segja þeir og nota ansi sterkt myndmál því til rökstuðnings. Þetta finnst mér skólabókar dæmi um góða útfærslu á brilliant hugmynd.

Í beinu framhaldi má svo benda á þessa úttekt af hring- og elipsulaga lógóum fyrirtækja. Áhugavert að sjá.

Sveinn El Loftnets er með áhugaverða færslu um náttúruvænar miðbæjarrottur. Góðir punktar þarna.

Að lokum er það svo The American Taliban. Ef ykkur vantar ástæðu til að furða ykkur á Ameríkönum þá er hún hér. Hér er um að ræða hægrisinnaða öfgamenn í Bandaríkjunum sem eru ekkert skárri í skoðunum sínum en Bin Laden og félagar. Það sem haft er eftir fólki þarna er svo öfgakennt að það lyggur við að vera komískt. Allavega gat ég ekki annað en hlegið þegar ég las tilvitnun í sjónvarpsprestinn Jerry Falwell sem segir "If you're not a born-again Christian, you're a failure as a human being."

Áskorun!

Ég vil endilega byðja sem flesta að skrá sig á undirskriftalista Deiglunar þar sem skorað er á blaðamenn og ritstjóra DV að endurskoða ritstjórnarstefnu sína og sýna ábyrgð og virðingu í umfjöllun um menn og viðkvæm málefni.

Skráið ykkur hér.

Bæjarfíflið talar!

Ég hef ekki farið leynt með hvað mér finnst um George W. Bush. Finnst sem greindarvísitalan hjá mér lækki við það eitt að heyra manninn tala. Það er ótrúlegt að þessi maður skuli vera forseti öflugustu þjóðar í heimi. Segir þó meira um þjóðina en Bush sjálfan því það þarf ansi marga hálfvita til að kjósa yfir sig annan eins hálfvita. Held nú samt að hinn almenni Kani sé almennt að átta sig á því að Bush er lítið annað en strengjabrúða stórfyrirtækja nú þegar mesta þjóðerniskenndin er að renna af þjóðinni. Nú þarf stríðsmaskínan í Ameríku að finna sér nýjan óvin til að ala á guðhræðslu og ótta við allt sem er á skjön við Amerísk gildi. Ætli Norður Kórea verði ekki fyrir valinu næst?

Þetta fer allt einhvernveginn. Á meðan má skemmta sér yfir góðu gríni á kostnað Bush og langar mig að benda ykkur á hina stórskemmtilegu Buck Fush : Latest News on our Moron in Chief.

Svo er bara að vona að Sharon fari að segja það gott.